ഈ ഇരുള് നിലാവില് ഇത്തിരി നേരം

ഇരുള്....................ഇരുളിന്റെ വന്യമായ ഹൃദയത്തിലേക്ക് മരച്ചില്ലകള്ക്കിടയിലൂടെ നിലാവിന്റെ ഒരു കീറ് വീണുകിടക്കുന്നു........... മഞ്ഞ് പൊഴിയുന്ന മര്മ്മരം കേള്ക്കാം. ഇലകള്‍ പൊഴിയുന്നതു പോലെ ജീവിതത്തിലെ ഋതുക്കളോരോന്നും, വെറും ശലഭായുസ്സ് മാത്രമായി കൊഴിഞ്ഞു തീരുകയാണ്.....................ഏതോ വിദൂര സ്ഥലിയില്.......ഏകാന്തമായ തുരുത്തില്, വടു വൃക്ഷത്തിലിരുന്ന് രാത്രിയുടെ അന്തിയാമത്തില്‍ പഥികനായ ഏതോ പക്ഷി ശ്രുതി താളമില്ലാതെ പാടുകയാണ്.......ഏകാന്തമായ ഈ തുരുത്തിലേക്ക് , വിജനമായ വഴിയിലൂടെ .....വഴി തെറ്റി വരുന്നവരോട്.......കൂട്ടം തെറ്റി എത്തുന്നവരോട്.....ഈ ഇരുള്‍ നിലാവില് ഇത്തിരി നേരം....!!!

Tuesday, July 16, 2013

പുകമറയില്‍ നിന്നൊരു പൂച്ച സന്യാസി...



പുകമറയില്‍ നിന്നൊരു പൂച്ച സന്യാസി
പകലിരവുകള്‍ മുഴുവനും തപസ്സു ചെയ്തു
തളിരിലകള്‍ മാത്രം ഭുജിച്ചു...
ഇളവെയില്‍ പോലാ മുഖം തിളങ്ങി....
 വ്രണിത  ഹൃദയങ്ങൾക്കായി

 പുതിയ  മന്ത്രങ്ങ ളരുളി





ചകിതഹൃദയരാം എലികളില്‍ ചിലര്‍
പുതിയ പുണ്യോദയമെന്ന് വാഴ്ത്തി

തെരുവുകളിലലഞ്ഞു നടന്ന ചിലര്‍.....
കപടനാട്യമെന്നുറക്കെപ്പറഞ്ഞൂ

ഇരവ് മൂത്തപ്പോള്‍
ലഹരിയുടെ താളത്തില്‍
മാളങ്ങളില്‍ ലഹളപടര്‍ന്നൂ...
പുകമറയിലെ പൂച്ച സന്യാസിയെ
കുലദൈവമെന്ന് കരുതി
ആരാധിക്കണമെന്ന് ചിലര്‍
കുടില തന്ത്രങ്ങള്‍ മെനഞ്ഞുളള
ചതിയുടെ ഇരിപ്പെന്ന് ചിലര്‍...

പുലരിപൂത്തപ്പോള്‍ കണ്ടൂ
ചോരപ്പാടുകള്‍
ലഹളയില്‍ മുറിവേറ്റതെന്ന് ചിലര്‍
ഇരുളിന്റെ മറവിലെ
പൂച്ചപ്പതുക്കമെന്ന്  മറ്റു ചിലര്‍

മഴപെയ്ത്, പെയ്ത്.......
കൊതിതീരാതെ നിന്നൊരു കാലം
വറുതി പടികേറി വന്നു
പതുക്കെ പതുക്കെ......
ചെറുമികള്‍ വിശന്നൊട്ടി
വലിഞ്ഞവയറുമായി
കരയുവാന്‍ തുടങ്ങി....
പതിതരായി ഞങ്ങള്‍
 പകച്ചുപോയരാ നിമിഷങ്ങള്‍
പടികടന്നെത്തി
പുതിയ ധാന്യങ്ങളുമായി
മാര്‍ജ്ജാര ശിഷ്യര്‍....

എരിവയറിലതുണ്ട് നിറഞ്ഞപ്പോള്‍
അറയാതൊരേമ്പക്കം
തൊണ്ടയില്‍ കടബാധ്യതയായി
വന്നു കുരുങ്ങി...!

ചിറിതുടച്ചുകൊണ്ടപ്പഴും ചിലര്‍ പറഞ്ഞു
തടിച്ച് കൊഴിപ്പിച്ചുരുട്ടി
കൂര്‍ത്ത നഖവിരലുകളാഴ്ത്താനുളള 
പുതിട തന്ത്രമാണതെന്ന്...
വാക്കുകള്‍ക്ക് പക്ഷേ
കനമില്ലായിരുന്നല്ലോ....

കവലകളിലിപ്പോള്‍ മുഴങ്ങുന്നത്
അധിനിവേശത്തിനെതിരെയുളള
പടപ്പുറപ്പാടിന്റെ ഗാനങ്ങളല്ല
പരമകാരുണികന്‍, പരഹൃദയ ജ്ഞാനി
മാര്‍ജ്ജാര സന്യാസിയെ വാഴ്ത്തും
സ്തുതി പാഠങ്ങളാണ്.....
മരണത്തിന്‍ മണിയൊച്ചകേട്ടവര്‍
മാളങ്ങളിലൊതുങ്ങി...
പുകമറയില്‍ നിന്നാപൂച്ച സന്യാസി
ഇപ്പോഴും തപസ്സു ചെയ്യുന്നുണ്ട്...

19 comments:

  1. ഓരോ പഞ്ചതന്ത്രം കഥയും ഇന്നിനെ കാണിച്ചു തരുന്നു. ശരിയായ കാലികമായ എഴുത്ത്.

    ReplyDelete
    Replies
    1. പഞ്ചതന്ത്രം കഥയ്ക്ക് അങ്ങനെയൊരു സവിശേഷതയുണ്ട്...അതുകൊണ്ടാണ് അത് കാലത്തെ അതിജീവിച്ച് നിലനില്ക്കുന്നത്....അഭിപ്രായത്തിന് നന്ദി ഭാനു...

      Delete
    2. ഈ കവിതയ്ക്ക് ആദ്യമായി ലഭിച്ച അഭിപ്രായം, അനീഷ് കാത്തിയുടേതാണ്...ഗൂഗിള്‍ അമ്മാവന്റെ ഓര്‍മ്മക്കുറവാണന്നോ എന്തോ അത് ഇതില്‍ കാണാനില്ല...അഭിപ്രായത്തിന് നന്ദി അനീഷ് കാത്തി...

      Delete
  2. Replies
    1. നന്ദി ഡോക്ടര്‍...

      Delete
  3. ചില പൂച്ച സന്യാസികള്‍ ഇങ്ങിനെയും ...

    ReplyDelete
    Replies
    1. പൂച്ചയാണെങ്കിലും പുലിയുടെ വര്‍ഗ്ഗമാണന്ന് മറക്കേണ്ട....നന്ദി വേണുഗോപാല്‍ ആദ്യവരവിനും അഭിപ്രായത്തിനും..

      Delete
  4. പുകമറയില്‍ നിന്നാപൂച്ച സന്യാസി
    ഇപ്പോഴും തപസ്സു ചെയ്യുന്നുണ്ട്...!!!

    സ്തുതി പാഠങ്ങളിൽ മയങ്ങി,
    മണിയൊച്ച കേട്ടിട്ടും പഠിക്കാത്ത ഇരകളെത്തേടി.!!

    കലികാലം തന്നെ.പൂച്ച സന്ന്യാസിമാർ വിലസിയില്ലെങ്കിലേ അത്ഭുതപ്പെടാനുള്ളൂ.

    സമകാലിക പ്രസക്തിയുള്ള നല്ലൊരു കവിത.

    ശുഭാശംസകൾ...

    ReplyDelete
    Replies
    1. നന്ദി സൌഗന്ധികം......

      Delete
  5. പുകമറക്കുള്ളില്‍ പൂച്ചസന്യാസിമാര്‍ തപസ്സു ചെയ്തുകൊണ്ടിരിക്കുന്നു.....

    ReplyDelete
    Replies
    1. വായനയ്ക്കും അഭിപ്രായത്തിനും നന്ദി പ്രദീപ് മാഷ്....

      Delete
  6. മാര്‍ജ്ജാര ശിഷ്യര്‍ സ്തുതിപാടി പ്രലോഭനങ്ങള്‍ നല്‍കി അടുത്തുവരുമ്പോള്‍ സൂക്ഷിക്കുക.പുകമറയ്ക്കുള്ളില്‍ പൂച്ചസന്യാസിയുണ്ടോയെന്ന് ശ്രദ്ധിക്കുക...
    കാലികപ്രസക്തിയുള്ള അര്‍ത്ഥഗര്‍ഭമായ കവിത.
    ആശംസകള്‍

    ReplyDelete
    Replies
    1. ആ കാലിക പ്രസക്തി വായനക്കാര്‍ കണ്ടെത്തുന്നതോടെ ഈ കവിത ധന്യമാകുന്നു...അഭിപ്രായത്തിന് നന്ദി തങ്കപ്പന്‍ സാര്‍

      Delete
  7. പൂശകനാം നീ പൂശകനിനിമേല്‍
    മൂഷികനാം ഞാന്‍ മൂഷികനിനിമേല്‍

    ReplyDelete
    Replies
    1. പൂച്ച പൂച്ചയും എലി എലിയും തന്നെ..അവര്‍ തമ്മിലുളള ചങ്ങാത്തം നല്ലതല്ലതന്നെ...അഭിപ്രായങ്ങള്‍ക്ക് നന്ദി അജിത് സാര്‍, ശരത് പ്രസാദ്

      Delete
  8. Replies
    1. ?......നന്ദി നിധീഷ്

      Delete
  9. എരിവയറിലതുണ്ട് നിറഞ്ഞപ്പോള്‍
    അറയാതൊരേമ്പക്കം
    തൊണ്ടയില്‍ കടബാധ്യതയായി
    വന്നു കുരുങ്ങി...!
    അതാണ്‌ കൂടുതല്‍ എനിക്കിഷ്ടമായത് .........ആശംസകള്‍ അനുരാജ്

    ReplyDelete