iRuL niLavU ഇരുള്‍ നിലാവ്: ചിത്രശലഭങ്ങള്‍ പറക്കുമ്പോള്‍.....

ഈ ഇരുള് നിലാവില് ഇത്തിരി നേരം

ഇരുള്....................ഇരുളിന്റെ വന്യമായ ഹൃദയത്തിലേക്ക് മരച്ചില്ലകള്ക്കിടയിലൂടെ നിലാവിന്റെ ഒരു കീറ് വീണുകിടക്കുന്നു........... മഞ്ഞ് പൊഴിയുന്ന മര്മ്മരം കേള്ക്കാം. ഇലകള്‍ പൊഴിയുന്നതു പോലെ ജീവിതത്തിലെ ഋതുക്കളോരോന്നും, വെറും ശലഭായുസ്സ് മാത്രമായി കൊഴിഞ്ഞു തീരുകയാണ്.....................ഏതോ വിദൂര സ്ഥലിയില്.......ഏകാന്തമായ തുരുത്തില്, വടു വൃക്ഷത്തിലിരുന്ന് രാത്രിയുടെ അന്തിയാമത്തില്‍ പഥികനായ ഏതോ പക്ഷി ശ്രുതി താളമില്ലാതെ പാടുകയാണ്.......ഏകാന്തമായ ഈ തുരുത്തിലേക്ക് , വിജനമായ വഴിയിലൂടെ .....വഴി തെറ്റി വരുന്നവരോട്.......കൂട്ടം തെറ്റി എത്തുന്നവരോട്.....ഈ ഇരുള്‍ നിലാവില് ഇത്തിരി നേരം....!!!

2013, ഓഗസ്റ്റ് 16, വെള്ളിയാഴ്‌ച

ചിത്രശലഭങ്ങള്‍ പറക്കുമ്പോള്‍.....

ചിത്ര ശലഭങ്ങളേ...ചിത്ര ശലഭങ്ങളേ....
നിങ്ങള്‍ക്ക്കെങ്ങനെ കിട്ടിയിത്ര ഭംഗി
പുഷ്പ ഹൃദയങ്ങളില്‍ നിന്നുയിര്‍
കൊണ്ടതാണോ......?
സ്വപ്ന ലോകങ്ങളില്‍
അപ്സര സുന്ദരികള്‍
ലാസ്യ നൃത്തമാടിത്തളരവേ
നഗ്നമാം ചൊടിയിണകളില്‍
നിന്നു പൊഴിഞ്ഞതാണോ....?

നക്ഷത്ര കന്യകള്‍ മഴവില്ലിന്‍
ചോലയില്‍
ഏഴുവര്‍ണ്ണങ്ങളിലും മുങ്ങിക്കുളിച്ചിട്ട്
കിന്നരി തുന്നിയ ദാവണിയുടുത്ത്
ഈറനായി ഈ വഴിവന്നതാണോ....?

ഭൂമിയില്‍ കാമുകി കാമുകന്മാര്‍
തീര്‍ത്ത സങ്കല്പലോകത്തില്‍
ചുംബന നിശ്വാസങ്ങള്‍ തളിരിട്ടുലയവേ
മോഹങ്ങള്‍ ചിറകുവെച്ച്
പറന്നതാണോ...?

ചിത്ര ശലങ്ങളേ...ചിത്ര ശലഭങ്ങളേ
നിങ്ങള്‍ക്കെങ്ങനെ കിട്ടിയിത്ര ഭംഗി..?

അല്പായുസെങ്കിലും ചിത്രശാരികേ...
തപ്ത നിശ്വാസങ്ങളായ്
നിങ്ങളെന്‍ ഉള്‍പ്പൂവില്‍
സ്വപ്ന പരാഗരേണുവായി
എത്തുകില്‍
എത്ര ധന്യനാമൊരു
ചിത്രകാരനായിരുന്നേനെ ഞാന്‍...!!