ഈ ഇരുള് നിലാവില് ഇത്തിരി നേരം

ഇരുള്....................ഇരുളിന്റെ വന്യമായ ഹൃദയത്തിലേക്ക് മരച്ചില്ലകള്ക്കിടയിലൂടെ നിലാവിന്റെ ഒരു കീറ് വീണുകിടക്കുന്നു........... മഞ്ഞ് പൊഴിയുന്ന മര്മ്മരം കേള്ക്കാം. ഇലകള്‍ പൊഴിയുന്നതു പോലെ ജീവിതത്തിലെ ഋതുക്കളോരോന്നും, വെറും ശലഭായുസ്സ് മാത്രമായി കൊഴിഞ്ഞു തീരുകയാണ്.....................ഏതോ വിദൂര സ്ഥലിയില്.......ഏകാന്തമായ തുരുത്തില്, വടു വൃക്ഷത്തിലിരുന്ന് രാത്രിയുടെ അന്തിയാമത്തില്‍ പഥികനായ ഏതോ പക്ഷി ശ്രുതി താളമില്ലാതെ പാടുകയാണ്.......ഏകാന്തമായ ഈ തുരുത്തിലേക്ക് , വിജനമായ വഴിയിലൂടെ .....വഴി തെറ്റി വരുന്നവരോട്.......കൂട്ടം തെറ്റി എത്തുന്നവരോട്.....ഈ ഇരുള്‍ നിലാവില് ഇത്തിരി നേരം....!!!

2012, ഡിസംബർ 12, ബുധനാഴ്‌ച

ക്രിസ്തുമസ്സ് നക്ഷത്രം



കാല്‍വരിക്കുന്നിന്റെ നൊമ്പരം വീണ്ടും
വാനീലുയരുന്നു
ജീവന്റെ വെളളിത്തളികയില്‍
നീയിറ്റിച്ച പ്രാണന്റെ ചോരത്തുളളികളും
കാരിരുള്‍ മുളളാണി
തേച്ചടിച്ചുറപ്പിച്ച നിന്‍  വ്രണിത യൌവനവും
ഇന്നിതാ ത്യാഗസീമകള്ക്കപ്പുറം
നിന്നു തിളങ്ങുന്നൊരാ
പൊന്‍താരകം.....
കാലിത്തൊഴുത്തില്‍  പിറന്നന്നു മുതല്‍
കാലചക്രത്തിന്നുരുള്ച്ചയ്ക്ക്
മൂകസാക്ഷിയായതും
കൂരിരുള്‍  തിങ്ങും പാതയിലൊരു
പൊന്‍ വെളിച്ചമായ് ഏകനായ്
ഏറെ ദൂരം  നടന്നതും
കുഞ്ഞാട്ടിന്‍  പറ്റങ്ങളുമായ്
കുന്നിന്‍  ചെരുവുകള്‍  കയറിയിറങ്ങി
തളര്ന്നതും
കാട്ടുചെന്നായ്ക്കള്തന്‍  കൂര്ത്തനോട്ടങ്ങളില്‍
പതറാതിരുന്നതും
മുപ്പത് വെളളിക്കനവുകള്‍ .......
ഉമ്മറപ്പടിയില്‍  കുന്തിരിക്ക പുകച്ചുരുള്‍
ഉള്തളങ്ങളില്‍ ഒറ്റുകാര്‍ തന്‍
ഗൂഡ നിശ്വാസങ്ങളും
പഴയമുന്തിരിച്ചാര്‍  പതഞ്ഞൊഴുകുന്ന

പാനപാത്രങ്ങളും....
.............................................
...........................................
കാല്‍വരിക്കുന്നിന്റെ നൊമ്പരം വീണ്ടും
വാനീലുയരുന്നു.....

3 അഭിപ്രായങ്ങൾ:

  1. ലോകം മുഴുവൻ സുഖം പകരാനായ്..........
    കവിത കൊള്ളാം...
    ദൈവാനുഗ്രഹം ഉണ്ടാകട്ടെ...
    ശുഭാശംസകൾ.....



    മറുപടിഇല്ലാതാക്കൂ
  2. ദൈവപുത്രന് വീഥിയൊരുക്കുവാന്‍.........
    നല്ല ആശയം... വീണ്ടും എഴുതുക.

    മറുപടിഇല്ലാതാക്കൂ